Трговија со луѓе се однесува на регрутирање, транспорт, трансфер, криење или примање лица, вклучително и размена или трансфер на контролата врз тие лица, по пат на закани или употреба на сила или други форми на присила, киднапирање, измама, лага, злоупотреба на моќ или на позиција на ранливост или давање или примање исплати или бенефиции за добивање согласност од лице кое има контрола врз друго лице, за цели на експлоатација.
Жртва на трговија со луѓе е лице подложено на дејство или практика на тргување за цели на експлоатација, која како минимум вклучува експлоатација на проституцијата на други или други форми на сексуална експлоатација, принудна работа или услуги, вклучувајќи и просење, ропство или практики слични на ропство, сервилност или експлоатација на криминални активности или отстранување органи.
Врз основа на Директивата 2011/36/ЕУ од Европскиот Парламент и Советот од 5 април 2011 година за спречување и борба против трговија со луѓе и заштита на жртвите од неа, и со која се заменува Рамковната одлука 2002/629/ПВР на Советот.