Кога се работи за трговија со луѓе и особено за случаи кога лицето било подложено на насилство како мерка на контрола или како дел од експлоатација, вклучувајќи сексуално насилство, лицето може да има тешкотии да се сети на некои настани или на хронолошкиот редослед на настаните. Барателот може и да не сака да споделува детали за случаи на такво насилство поради чувство на срам и вина или да не сака да открие детали за трговците со луѓе поради страв од одмазда. Таквите фактори треба да се земат предвид кога се проценува веродостојноста и не треба да влијаат негативно врз релевантните наоди.