Тоа може да е возрасното лице што го придружува, социјален работник, персоналот во центарот за сместување итн.

Ако е применливо согласно националната пракса и индивидуалните околности на барателот, овластеното службено лице треба да ја разгледа можноста да стапи во контакт со другите вклучени страни, за да се осигури соодветна последователна поддршка по доставување на одлуката. 

При одлучувањето земете ја предвид можната чувствителност од аспект на родовата припадност. Донесете одлука дали возрасните лица треба да добијат заедничка одлука откако сте направиле поединечно разгледување и согласно националната пракса.

Во случај на дете коешто има потреба од застапување, а има засебно барање врз основа на прогон базиран на возраст, може да се донесе одделна одлука согласно националната пракса (Член 11(3) од Изменетата директива ДПА).

Во случаи на бременост, можно е членовите на семејството или другите лица поврзани со барателот да не знаат за бременоста.  Кога треба да се споделат информации за бременост со други лица, вклучувајќи ги членовите на семејството, овластеното службено лице треба да побара согласност за тоа од барателот.

Може, исто така, по влегување во гранична/итна постапка да биде откриена трговија со луѓе. Во такви ситуации може да е соодветно изземање од граничната/итната постапка.

Може, исто така, по влегување во гранична/итна постапка да биде откриена бременост. Во такви ситуации може да е соодветно изземање од граничната/итната постапка.

Нема да се употребуваат гранични и забрзани постапки освен доколку во рамки на тие постапки може да се обезбеди соодветна поддршка во однос на посебните потреби на барателот (Член 24(3) од Изменетата директива ДПА).

Имајте ја предвид националната пракса во однос на жртви на трговија со луѓе пред донесување одлука за меѓународна заштита. Согласно Националниот механизам за упатување, пред донесување одлука може да се неопходни дополнителни чекори. Тие може да вклучуваат можност за повлекување од постапката за признавање право на азил или продолжување на постапката согласно специјалниот режим за жртви на трговија со луѓе. 

Ако е можно согласно националната пракса, се препорачува негативна одлука да не се доставува непосредно пред или по очекуваниот термин за породување.