Важно е да ги евидентирате показателите за да осигурите дека се задоволени посебните потреби за време на постапката, како во однос на поддршката при прифатот, така и во однос на гаранциите во постапката. Овластеното службено лице во оваа фаза би било во можност да собере докази и да ги евидентира видливите показатели за различни посебни потреби коишто лесно се откриваат.
Во случаи на бремени жени, може да се појават компликации за време на бременоста за кои е потребна дополнителна медицинска помош и/или мирување, што може да влијае врз способноста на барателката да се вклучи во постапка за признавање право на азил.
Важно е да постои редовно надгледување на потребите на барателот за да може соодветно да се одговори на нив, бидејќи постои можност тие да се менуваат за време на постапката (Член 22(1) од Изменетата директива ДУП).
Задржувањето ќе се употребува само кога ќе се покаже како неопходно врз основа на индивидуалната проценка и ако не може ефективно да се применат други помалку присилни алтернативни мерки. Во случајот на лица со посебни потреби, при разгледувањето на можноста за задржување треба да се земе предвид дека треба да се задоволат нивните посебни потреби. Нивното здравје, вклучувајќи го и менталното здравје, ќе биде од примарна важност за националните власти (Член 11 (1) од Изменетата директива ДУП).
Детето треба да има можност да комуницира со роднините, правните застапници, лицата коишто се претставници на УНХЦР и други релевантни национални, меѓународни и невладини организации и тела (Член 18(2)(б) од Изменетата директива ДУП).
Од примарна важност за целото времетраење на задржувањето ќе биде најдобриот интерес на детето и истиот постојано ќе се проверува.
Во случаи кога се задржани деца без придружба, треба да се осигури нивно сместување одвоено од возрасни лица.
Колку што е најмногу можно, децата без придружба ќе добијат сместување во институции каде што има персонал и услови коишто ги земаат предвид потребите на лицата од нивна возраст.
Малолетници деца без придружба ќе бидат задржувани само во исклучителни околности (Член 11(3) од Изменетата директива ДУП). Ќе се направат сите обиди за што е можно побрзо ослободување на задржаното малолетно лице без придружба. Децата без придружба никогаш нема да бидат задржувани во затворско сместување.
Во случаите кога се задржуваат деца, децата ќе имаат можност да се вклучат во слободни активности, вклучувајќи забавни и рекреативни активности соодветни на нивната возраст.