Децата ќе бидат задржувани само како мерка на последен избор и откако било утврдено дека не можат ефективно да се применат помалку присилни алтернативни мерки. Таквото задржување ќе биде со најкратко можно времетраење и ќе бидат направени сите напори за ослободување на детето и негово сместување во објект соодветен за деца.
Жртвите на измачување, силување и друго сериозно физичко, психолошко или сексуално насилство имаат потреба од посебно внимание и по правило не треба да се задржуваат. Задржувањето може да ги влоши симптомите на траума. Задржувањето треба да се применува само во исклучителни околности.
Луѓето коишто страдаат од ментални нарушувања по правило не треба да бидат задржувани. Задржување може да ги влоши симптомите на менталното нарушување. Земјите-членки ќе осигурат редовно надгледување и соодветна поддршка, земајќи ја предвид нивната индивидуална ситуација, вклучително и нивното ментално здравје.
Луѓето коишто страдаат од сериозни болести по правило не треба да бидат задржувани. Задржување може да ја влоши состојбата на лицето. Земјите-членки ќе осигурат редовно надгледување и соодветна поддршка, земајќи ја предвид нивната индивидуална ситуација, вклучително и нивното здравје.
Ако некоја посебна потреба не била препознаена кога лицето било задржано, индивидуалната проценка треба да се преиспита во светло на сите новооткриени посебни потреби.
Задржаните семејства ќе добијат посебно сместување за да се гарантира нивната приватност (Член 11(4) од Изменетата директива ДУП).
Во случаи кога се задржани баратели од женски пол, земјите-членки ќе осигурат тие да бидат сместени одвоено од барателите од машки пол, освен кога машките баратели се членови на семејството и доколку сите поединци ја дале својата согласност (Член 11(5) од Изменетата директива ДУП).
Осигурете задржувањето да се применува само под строго ограничени услови почитувајќи го притоа најдобриот интерес на детето (Член 11(2) од Изменетата директива ДУП).
За детето да има ефективен пристап до следните чекори во постапката за признавање право на азил, може да биде неопходна логистичка поддршка, како на пр. превоз. Погледнете ја националната пракса.
Барателите од женски пол треба да бидат информирани за каква било специфична дополнителна помош што им е на располагање на жените.