Чинителите задолжени за прифат и сместување на барателите на меѓународна заштита, како и тие задолжени за проценка и задоволување на нивните потреби, треба да добијат информации за какви било показатели за посебни потреби, за да се осигури задоволување на потребите. 

Важно е да ги евидентирате показателите за да осигурите дека се задоволени посебните потреби за време на постапката, како во однос на поддршката при прифатот, така и во однос на гаранциите во постапката. Овластеното службено лице во оваа фаза би било во можност да собере докази и да ги евидентира видливите показатели за различни посебни потреби коишто лесно се откриваат. Согласно националната пракса, за тие показатели треба да се известат другите релевантни чинители. 

Тоа може да биде сместувањето за баратели на меѓународна заштита или специјализирано сместување за жртви од трговија со луѓе.  

За да осигурите дека на лицето му се задоволени потребите во однос на сместување земајќи ги предвид личните околности и особено безбедноста, лицето треба да се упати до соодветно сместување. 

Овластеното службено лице треба да го упати барателот до соодветното сместување согласно националната пракса. 

За повеќе насоки погледнете го делот „Поддршка при прифат“ и националната пракса.

Кога се носи одлука за сместување, треба да се земат предвид најдобрите интереси на детето (Воведна одредба 22 од Изменетата директивата ДУП). 

За да се овозможи ефективно поднесување на барањето, може да биде неопходна логистичка помош, како превоз или овозможување  барањето да се поднесе на друга локација. Погледнете ја националната пракса.

Барател од женски пол треба да бидат информиран за каква било посебна дополнителна помош што им е на располагање на жени, доколку постои.

Може да постојат релевантни групи за помош коишто го опфаќаат сегментот на ЛГБТИ во контекст на имиграција/азил.