На одредени баратели, во зависност од типот на менталното нарушување, може да им биде потребна помош во остварување на нивната процесна способност. Во зависност од националната пракса, барателот можеби ќе има потреба од застапник за време во постапката за признавање право на азил. Осигурете се дека се создадени соодветните услови пред да продолжите со следните чекори во постапката.

На лицата со интелектуална попреченост може да им е потребна помош во остварување на нивната процесна способност. Во зависност од степенот на интелектуалната попреченост, барателот можеби ќе има потреба од застапник во постапка за признавање право на азил. Осигурете се дека се создадени соодветните услови пред да продолжите со следните чекори во постапката.

Со назначувањето старател треба да се осигури дека најдобрите интереси на детето ќе бидат целосно земени предвид и застапувани низ постапката. Старателот треба да осигури дека правните, социјалните, здравствените и психолошките потреби на детето се соодветно земени предвид во текот на целата постапка за признавање право на азил и сè додека не се пронајде трајно решение за детето. 

Во случаи на бременост, можно е членовите на семејството или другите лица поврзани со барателот да не знаат за бременоста.  Кога треба да се споделат информации за бременоста со други лица, вклучувајќи ги членовите на семејството, овластеното службено лице треба да побара согласност за тоа од барателот.

Информациите треба да се даваат на внимателен начин, имајќи ги предвид полот и културата.

Во случај на баратели со ментални нарушувања, овластеното службено лице може да  треба да изнајде друго практично решение за да осигури комуникација со барателот. Во зависност од типот на менталното нарушување и неговата сериозност, овластеното службено лице треба користи прилагоден начин на зборување, да повторува, да одвои повеќе време итн.

Во случај на постари баратели, овластеното службено лице може да треба да изнајде друго практично решение за да осигури комуникација со барателот (на пр. материјали испечатени со крупни букви, помагало за слушање). 

Во случај на баратели со попреченост, овластеното службено лице може да треба да изнајде друго практично решение за да осигури комуникација со барателот (на пр. толкувач по знаковен јазик, материјали испечатени со крупни букви). За барателите со интелектуална попреченост, во зависност од степенот на попреченост, овластеното службено лице треба да користи прилагоден начин на зборување, да повторува или да одвои повеќе време.

Во зависност од возраста и зрелоста на детето, информациите може да треба да му се дадат на возрасното лице кое го придружува. Овластеното службено лице треба да даде упатства во врска со тоа каде и како може да се поднесат барањата за меѓународна заштита. Исто така, службеното лице може да обезбеди дополнителни информации за постапка за признавање право на азил и за правата и обврските на барателот. 

Во некои случаи, и старателот може да биде вклучен во давањето информации на детето без придружба.