Треба да се обезбеди здравствена заштита во однос на посебните потреби на барателот согласно националната пракса. Земјите-членки ќе им ја обезбедат потребната медицинска или друга помош на баратели коишто имаат посебни потреби за прифат, вклучувајќи ја соодветната заштита на менталното здравје кога е тоа потребно (Член 19(2) од Изменетата директива ДУП).
Треба да се направи проценка на посебните потреби на барателот, за да се осигури пристапност до објектот за сместување.
Во зависност од националната пракса и индивидуалните околности на барателот, тој треба да биде сместен во објект со посебни решенија или објект што е погоден за лица со попреченост.
Треба да се земе предвид полот и возраста на детето.
Кога се одлучува за сместување, треба да се земе предвид најдобриот интерес на детето (Воведна одредба 22 од Изменетата директива ДУП).
Детето ќе има пристап до слободни активности, вклучувајќи забавни и рекреативни активности соодветни за неговата возраст, во рамките на центарот за сместување, како и пристап до активности на отворено (Член 23(3) од Изменетата директива ДУП).
Сместувањето треба да биде на соодветна локација, за да се осигури безбедност и сигурност на детето (Член 23(2) од Изменетата директива ДУП).
Може да постои посебно сместување за жени или мажи самци. Погледнете ја националната пракса.
Мажите и жените кои не се дел од истото семејство треба да бидат сместени одделно, вклучувајќи и одделни делови за спиење и купатила. Другата инфраструктура може да се дели.