Во зависност од возраста и зрелоста на детето, информациите може да му се дадат и на возрасното лице што го придружува. Овластеното службено лице треба да овозможи информации за постапка за признавање право на азил и за правата и обврските на барателот.
Информациите треба да се даваат на внимателен начин, имајќи ги предвид полот и културата.
Во случај на баратели со попреченост, овластеното службено лице може да треба да изнајде друго практично решение за да осигури комуникација со барателот (на пр. толкувач по знаковен јазик, материјали испечатени со крупни букви). За барателите со интелектуална попреченост, во зависност од степенот на попреченост, овластеното службено лице треба да користи прилагоден начин на зборување, да повторува или да одвои повеќе време.
Во случај на баратели со ментални нарушувања, овластеното службено лице може да треба да изнајде друго практично решение за да осигури комуникација со барателот. Во зависност од видот и степенот на менталното нарушување, овластеното службено лице треба да користи прилагоден начин на зборување, да повторува, да одвои повеќе време итн.
Во случај на постари баратели, овластеното службено лице може да треба да изнајде друго практично решение, за да осигури комуникација со барателот (на пр. материјали испечатени со големи букви, помагало за слушање).
Во некои случаи, старателот може да биде вклучен во обезбедувањето информации на детето без придружба.
Согласно националната пракса, можеби постојат посебни информативни брошури или други материјали (стрипови, видео материјали итн.). Овластеното службено лице треба го приспособи јазикот на возраста и на зрелоста на детето.
Зависно од потребата, земајќи ги предвид индивидуалните околности, вклучувајќи ја возраста и зрелоста на детето, овластеното службено лице треба да обезбеди информации за постапка за признавање право на азил и за правата и обврските на детето.
На пример, во случај на бремена жена, можеби била потребна медицинска интервенција или жената-барател се породила.
Во некои случаи, како резултат на индивидуалните околности на барателот, може да помине подолго време помеѓу правењето и поднесувањето на барањето.