Направете практични подготовки за да осигурите дека барателот има поддршка за пристап до локацијата каде што треба да го поднесе барањето.

Согласно националната пракса, за тие показатели треба да се известат другите релевантни чинители. 

Земете го предвид принципот на доверливост.

Одговорните за разгледување на барањето за меѓународна заштита треба да се известат за соодветните показатели или препознаените посебни потреби за да може да ги земат предвид во смисла на осигурување на посебни гаранции во постапката за признавање право на азил.

Чинителите задолжени за прифат и сместување на барателите на меѓународна заштита, како и тие задолжени за проценка и задоволување на нивните потреби, треба да добијат информации за какви било показатели за посебни потреби, за да се осигури задоволување на потребите. 

Важно е да ги евидентирате показателите за да осигурите дека се задоволени посебните потреби за време на постапката, како во однос на поддршката при прифатот, така и во однос на гаранциите во постапката. Овластеното службено лице во оваа фаза би било во можност да собере докази и да ги евидентира видливите показатели за различни посебни потреби коишто лесно се откриваат. 

Земјите-членки ќе осигурат дека малолетното лице има право да направи барање за меѓународна заштита во свое име, ако е процесно способно да дејствува во постапката согласно законот на земјата-членка во којашто се наоѓа, или преку своите родители или преку друг возрасен член на семејството, или преку возрасно лице коешто е одговорно за него, било според законите или според праксата на земјата-членка (Член 7(3) од Изменетата директива ДПА).

Барателот може да има потреба од логистичка поддршка за да му се овозможи пристап до посебна постапка во однос на неговите/нејзините права како жртва на трговија со луѓе. Погледнете ја националната пракса.

За барателот да има ефективен пристап до следните чекори во постапката за признавање право на азил, може да биде неопходна логистичка поддршка (како на пр. превоз или спроведување на деловите од постапката на друга локација). Погледнете ја националната пракса. 

Ако поради посебните потреби барателот има потреба од дополнителна помош во однос на постапките, овластеното службено лице треба да осигури помошта да се обезбеди.