Може да бидат релевантни аспектите како близината на медицински служби или други служби за помош.

Кога се одлучува за сместување, треба да се земат предвид принципите за најдобар интерес на детето и единството на семејството (Воведна одредба 22 од Изменетата директива ДУП и Член 9 од Изменетата директива ДУП). 

Треба да се следи Националниот механизам за упатување, доколку постои, како и националните насоки/пракса.  

Со оглед дека детето е по природа ранлива категорија, многу е важно овластеното службено лице да биде особено внимателно во однос на можни дополнителни показатели за посебните потреби на детето.

КДетето има право слободно да ги изрази своите ставови и тие ставови да бидат земени предвид во однос на работите што го засегаат согласно неговата возраст и зрелост (Член 24(1) од Повелбата за фундаментални права и Член 12 од Конвенцијата за правата на детето).

Овластеното службено лице што работи со дете, треба во текот на целата постапка да ги проценува најдобрите интереси на детето.

На одредени баратели, во зависност од типот на ментално нарушување, може да им биде потребна помош во остварување на нивната процесна способност. 

Во зависност од степенот на интелектуалната попреченост, барателот можеби ќе има потреба од застапник во постапка за признавање право на азил. Осигурете се дека се создадени соодветните услови пред да продолжите со следните чекори во постапката.

На лицата со интелектуална попреченост може да им биде потребна помош во остварување на нивната процесна способност.

Со назначувањето старател треба да се осигури најдобрите интереси на детето да бидат целосно земени предвид и да бидат застапувани во текот на целата постапка. Старателот треба да осигури правните, социјалните, здравствените и психолошките потреби на детето да бидат соодветно земени предвид во текот на целата постапка за признавање право на азил и сè додека не се пронајде трајно решение за детето.