Треба да се следи Националниот механизам за упатување, доколку постои, како и националните насоки/пракса.  

Може, исто така, по влегување во гранична/итна постапка да биде откриена бременост. Во такви ситуации може да е соодветно изземање од граничната/итната постапка.

Може, исто така, по влегување во гранична/итна постапка да биде откриена бременост. Во такви ситуации може да е соодветно изземање од граничната/итната постапка.

Нема да се употребуваат гранични и забрзани постапки освен доколку во рамки на тие постапки може да се обезбеди соодветна поддршка во однос на посебните потреби на барателот (Член 24(3) од Изменетата директива ДПА).

Постапката за признавање право на азил треба да продолжи согласно националната пракса и Националниот механизам за упатување. Тоа може да значи дека се предвидува период на разгледување во текот на кој ќе биде суспендирана постапката за признавање право на азил или поради кој таа ќе биде продолжена.

Согласно националната пракса и индивидуалните околности на барателот, разгледувањето на барањето може да се постави како приоритет (Член 31(7)(б) од Изменетата директива ДПА) или да му се овозможи подолго време. 

Во некои општества, на пример, жените не се вклучени и не се информирани за активностите на нивните сопрузи; или можеби не се научени да споделуваат приватни информации со непознати, особено со непознати од спротивниот пол. Треба да се земат предвид тие фактори кога се проценува веродостојноста.

Во однос на ЛГБТИ аспектот, барателот можеби во прво време не навел дека барањето е поврзано со неговата сексуална ориентација или родов идентитет. Тоа може да биде, на пример, поради тоа што доаѓа од култура каде што овие теми се табу. Овластеното службено лице треба да ги земе предвид овие фактори и да гледа на случајот во контекст на сите докази и да донесе соодветна одлука. 

Чувствата на срам и вина може исто така да бидат пречка за барателот да зборува за настанот. Овластеното службено лице не треба да очекува барателот да споделува детали за искуството на насилство, особено сексуално насилство.

Траумата предизвикана од насилство што барателот го искусил може да има сериозно влијание врз процесот на сеќавање и, според тоа, врз способноста на барателот да се присети на информации за минати настани. Изјавите може да немаат хронолошки редослед и да се недоследни, или барателот може да избегнува да се присети како механизам за справување со траумата. Овластеното службено лице треба да биде свесно за тие фактори и да ги земе предвид кога разгледува можна контрадикторност или недостиг на детали при проценување на веродостојноста.