Zyrtarët përgjegjës për shqyrtimin e aplikimit për mbrojtje ndërkombëtare duhet të njoftohen për treguesit përkatës ose nevojat e veçanta të identifikuara, në mënyrë që t'i marrin parasysh në aspektin e sigurimit që garancitë e veçanta procedurale janë dhënë gjatë procedurës së azilit.

Grupet e interesit përgjegjëse për pranimin dhe akomodimin e aplikantëve për mbrojtje ndërkombëtare dhe ata përgjegjës për vlerësimin dhe veprimin sipas nevojave të tyre duhet të marrin informacion rreth çdo treguesi të nevojave të veçanta, në mënyrë që të sigurohen që nevojat e tyre po plotësohen. 

Në përputhje me praktikën kombëtare, këta tregues duhet t'u komunikohen grupeve të tjera përkatëse të interesit. 

Regjistrimi i treguesve është i rëndësishëm për t'u siguruar që nevojat e veçanta janë plotësuar gjatë gjithë procedurës, si në lidhje me ndihmën e pranimit, ashtu dhe me garancitë procedurale. Në këtë fazë, zyrtari përgjegjës duhet të jetë në gjendje të mbledhë evidencën dhe të regjistrojë treguesit të nevojave të veçanta të ndryshme që zbulohen menjëherë.

Aplikantit mund t'i duhet ndihmë logjistike për të lehtësuar aksesin e tij/saj në një procedurë të veçantë që lidhet me të drejtat e tij/saj si viktimë trafikimi. Referojuni praktikës kombëtare.

Që aplikantit të ketë akses efikas për hapat vijues të procedurës së azilit, mund të nevojitet ndihmë logjistike (si psh transporti ose kryerja e hapave proceduralë në një vend tjetër). Referojuni praktikës kombëtare. 

Nëse aplikantit i nevojitet më shumë ndihmë me procedurat përkatëse, për shkak të nevojave të veçanta të tij/saj, zyrtari përgjegjës duhet të sigurohet që ofrohet kjo ndihmë.

Ky mund të jetë akomodimi për aplikantët për ndihmë ndërkombëtare ose një akomodim i specializuar për viktimat e trafikut njerëzor.  

Për t'u siguruar që nevojat e akomodimit janë plotësuar, duke marrë parasysh rrethanat personale të tij/saj dhe veçanërisht gjykimet rreth sigurisë, ai/ajo duhet të referohet në akomodimin e duhur. 

Akomodimi duhet të jetë i përshtatshëm, duke marrë në konsideratë nevojat individuale të prindit të vetëm, për shembull ofrimin e kujdesit për fëmijën dhe afërsinë me të, afërsinë me shkollën dhe transportin, mjediset e gatimit/ngrohjes, etj, si edhe me nevojat e fëmijës së tij/saj. Aty ku është e mundur, prindërit e vetëm me fëmijë të mitur nuk duhet të strehohen me të rritur të panjohur, për qëllime sigurie.