Personat që vuajnë nga sëmundje të rënda, përgjithësisht nuk duhet të ndalohen. Ndalimi mund të përkeqësojë gjendjen e personit. Shtetet Anëtare do të sigurojnë monitorimin e rregullt dhe ndihmën e përshtatshme, duke marrë parasysh situatën e tyre të veçantë, përfshirë shëndetin e tyre. 

Nëse një nevojë e veçantë nuk është njohur në momentin që individi është ndaluar, vlerësimi individual duhet të shqyrtohet për të gjitha nevojat e veçanta të reja. 

Familjeve të ndaluara do t'u ofrohet akomodim i veçantë, që garanton privatësinë e duhur (Neni 11(4) RCD i rishikuar).

Kur ndalohen aplikante femra, Shtetet Anëtare do të sigurojnë që ato të akomodohen veç nga aplikantit meshkuj, përveç rastit kur këta të fundit janë anëtarë të familjes dhe kur bien dakord të gjithë individët në fjalë (Neni 11(5) RCD i rishikuar).

Sigurohuni që ndalimi të zbatohet vetëm në kushte rreptësisht të kufizuara, duke respektuar interesin më të mirë të fëmijës (Neni 11(2) RCD i rishikuar).

Me qëllim që fëmija të ketë akses efikas në hapat vijues për procedurës së azilit, mund të nevojitet ndihmë logjistike, si psh transporti. Referojuni praktikës kombëtare. 

Një aplikante femër duhet të njoftohet për çdo ndihmë specifike shtesë që mund të disponohet për gratë.

Mund të ketë grupe të ngjashme mbështetëse që mbulojnë spektrin e LGBTI në kontekstin e imigrimit/azilit. 

Këto grupe mund të synojnë që të ndihmojnë viktimat e trafikimit ose çështjet e ngjashme, si psh viktimat e dhunës me bazë gjinore.

Nëse nevojitet, zyrtari përgjegjës mund të ofrojë informacion edhe mbi gjymtimin e gjenitaleve femërore dhe parandalimin e tij.