Skip to main content

Neni 31(7)(b) i APD-së së modifikuar

Procedura e ekzaminimit

7. Shtetet Anëtare mund t'i japin prioritet shqyrtimit të një kërkese për mbrojtje ndërkombëtare, në përputhje me parimet themelore dhe garancitë e parashikuara në Kreun II, në veçanti: ...
 
(b) në qoftë se kërkuesi është i ndjeshëm, në kuptim të nenit 22 të Direktivës 2013/33/BE, ose ka nevojë për garanci të veçanta procedurale, sidomos në rast të miturve të pashoqëruar.
 

Neni 25(5) i APD-së së modifikuar

Garancitë për të miturit e pashoqëruar

5. Shtetet Anëtare mund të përdorin ekzaminime mjekësore për të përcaktuar moshën e të miturve të pashoqëruar, në kuadër të shqyrtimit të kërkesës për mbrojtje ndërkombëtare, në qoftë se, pas analizimit të deklaratave të përgjithshme ose treguesve të tjerë të rëndësishëm, Shtetet Anëtare kanë dyshime në lidhje me moshën e kërkuesit.

Neni 25 i RCD-së së modifikuar

Viktimat e torturës dhe dhunës

1. Shtetet Anëtare do të sigurojnë që personat, të cilët i janë nënshtruar torturës, përdhunimit apo akteve të tjera të rënda të dhunës, do të përfitojne nga trajtimi i nevojshëm për dëmtimin e shkaktuar nga akte të tilla dhe sidomos që do të kenë qasje në trajim ose kujdes mjekësor dhe psikologjik të përshtatshëm.
 
2. Ata që punojnë me viktimat e torturës, përdhunimit ose akteve te rënda të tjera të dhunës duhet të kenë kaluar trajnime të përshtatshme dhe të vazhdojnë të trajnohen

Neni 25 i APD-së së modifikuar

Garancitë për të miturit e pashoqëruar

1. Lidhur me të gjitha procedurat e parashikuara në këtë Direktivë dhe pa cenuar dispozitat e Neneve 14--17, Shtetet Anëtare:
 
(a) Do të marrin masa sa më shpejt të jetë e mundur për të siguruar që në përfaqësues të përfaqësojë dhe ndihmojë të miturin e pashoqësuar, me qëllim për të mundësuar ai/ajo të përfitojë nga të drejtat dhe të plotësojë detyrimet e parashikuara në këtë Direktivë. I mituri i pashoqëruar duhet të informohet menjëherë për emërimin e një përfaqësuesi.

Neni 24(3) i APD-së së modifikuar

Kërkuesit që kanë nevojë për garanci të veçanta procedurale

3. Shtetet Anëtare do të sigurojnë se, në qoftë se kërkuesit janë identifikuar si kërkues me nevojë për garanci procedurale të veçanta, ata do të gëzojnë mbështetje të përshtatshme, për të mundësuar që ata të përfitojnë nga të drejtat dhe të plotësojnë detyrimet e parashikuara në këtë Direktivë gjatë tërë procedurës së azilit.

Neni 24(4) i RCD-së së modifikuar

Të miturit e pashoqëruar

4. Ata që punojnë me të mitur të pashoqëruar duhet të kenë kaluar trajnime të përshtatshme dhe të vazhdojnë të trajnohen për nevojat e tyre. Ata duhet të respektojnë rregullat e konfidencialitetit të parashikuara në legjislacionin kombëtar lidhur me ndonjë informacion që ata kanë marrë gjatë punës së tyre. 

Subscribe to